• (function() { (function(){function c(a){this.t={};this.tick=function(a,c,b){var d=void 0!=b?b:(new Date).getTime();this.t[a]=[d,c];if(void 0==b)try{window.console.timeStamp("CSI/"+a)}catch(l){}};this.tick("start",null,a)}var a;if(window.performance)var e=(a=window.performance.timing)&&a.responseStart;var h=0=b&&(window.jstiming.srt=e-b)}if(a){var d=window.jstiming.load;0=b&&(d.tick("_wtsrt",void 0,b),d.tick("wtsrt_","_wtsrt", e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=c&&window.jstiming.load.tick("aft")};var f=!1;function g(){f||(f=!0,window.jstiming.load.tick("firstScrollTime"))}window.addEventListener?window.addEventListener("scroll",g,!1):window.attachEvent("onscroll",g); })();
  • Realien des Glaubens vom Weihrauch bis zum Andachtsbild

  • 20*C+M+B*17

    10.2.14

    St. Scholastica auf altenglisch

    Se halga wer hæfde ane eawfæste swustor, Scolastica gehaten, seo wæs fram cildhade Gode gehalgod, on mægðhade him ðeowigende, on gehendnysse his mynstres wunigende; þa geneosode se halga wer symle æne ymbe geares ymbrene. Þa gecom he sume dæge to hyre cytan æfter gewunan mid sumum his gebroðrum, and hi ealne ðone dæg on Godes herungum and halgum spræcum adrugon. Efne ða on æfnunge, ðaða hi æt gereorde sæton, cwæð þæt halige mæden to hire arwurðfullan breðer, "Ic bidde ðe, broðer min, ne forlæt ðu me on þissere nihte, þæt wit magon smeagan ymbe gefean þæs heofenlican lifes oð merigen." Ða andwyrde se arwurða broðor, "Hwaet cweðst þu, sweoster? Ne mæg ic nateshwon buton mynstre nihtes wunian." And wæs ða swa stille weder, þæt nan wolcn næs on ðære lyfte gesewen. Hwæt ða, seo mynecynu, ðaða heo his andsæc gehyrde, beclypte hire neb mid handum, and ahylde hire heafod to ðære mysan, biddende þone Ælmihtigan Drihten. Þa mid ðam ðe heo hire heafod of ðære mysan ahefde, ða abærst swa micel ðunor and liget, and swilc storm yðigende feoll, swa þæt se halga wer and his gebroðra ne mihton, for ðam ormætan gyte, heora fet of ðære cytan astyrian. Ða cwæð se halga wer to his sweoster, "Arie ðe se Ælmihtiga God, sweoster: hwæt hæfst þu gedon?" Heo andwyrde, "Efne ic bæd þe, and þu me noldest tiðian; ða bæd ic minne Drihten, and he me gehyrde. Gang nu to mynstre, gif ðu mage, and me ana forlæt." He ða ne mihte buton ðam hrofe acuman, ac ðær wunode þa niht unwilles, seðe sylfwilles nolde. And hi ealle ða niht mid halgum spræcum þæs gastlican lifes ðurhwacole aspendon. Eft siððan ymbe ðry dagas stod se halga wer on his gebedum, and beseah ut, and geseah ðære ylcan mynecene his sweoster sawle lædan to heofenan, on anre culfran hiwe. He ða hire wuldres blissigende, ðam Ælmihtigan Gode þancode, and hire forðsið his gebroðrum cyðde, and sende hi ðærrihte, þæt hi hire lic to mynstre feredon, and on his agenre byrgene, þær he sylf licgan wolde, mid arwurðnysse bebyrigdon; þæt heora lichaman on anre byrgene hi gereston, swa swa heora mod on annysse symle Gode ðeowode.

    Labels: ,

    0 Kommentare:

    Kommentar veröffentlichen

    Abonnieren Kommentare zum Post [Atom]

    Links zu diesem Post:

    Link erstellen

    << Startseite